يوم 1 مايو الحالي في حفل ساهر اقامته اكادمية الفنون الامريكية في هوليوود و حضره نخبة من صفوة المشتغلين في الاعلام و الفن الامريكي دار حوار طويل مع احد رموز الفن العالمي و هو اللذي يقام الحفل لتكريمه و نقدم لكم نص الحوار مترجم اللى اللغة العربية
- المحاورة : اليوم هو يوم استثنائي بالتاكيد فهو حفل تكريم واحد من اهم الفنانين في هذا القرن . فنان تعلقت به مشاعر الناس و احلامهم قدم اعمال لا تزال عالقة باذهان الجمهور و تمثل علامات بارزه في تاريخ السينيما المعاصر اشتهر باداء ادوار الشر و لامه كثير من النقاد على عدم تنوع ادواره و لكن لم ينكر احد اجادته لها و تفوقه على نفسه في كل عمل و دور يقوم به حتى اثبت لنقاده ان اختياره لادواره نابع من ايمان حقيقي بأهميه دور السينيما بمعالجه القضييه الاساسيه في حياة الانسان و هي صراع الخير و الشر وان الجوانب الماديه لا تثنيه عن ايمانه باختيار ادواره.صدقته جماهير السينما و انبهرت بادائه المتميز فمنهم من احبه حتى التقديس و منهم من كرهه حتى تمنى موته من فرط تصديقهم لادائه المبدع في ادوار الشر. و اليوم هو حفل تكريمه عن مجمل اعماله و تقدير له على اثرائه للحياة الفنيه علي مدار 32 عاما فغدا 2 مايو سيعلن رسميا اعتزال هذا الفنان الاسطورة للعمل السنيمائي و سيتفرغ لرعاية اسرته و العمل المجتمعي
- فناننا الكبير مش عارفة ابتدي منين اكثر من ربع قرن من الابداع , لكن مش شايف انه لسه بدري في فنانين كتير بيمثلو و هم فوق سن الثمانين؟
**الفنان: صحيح لكن المقياس مش هو الاستمرار بمعنى عدد السنين ، احنا فنانين مش موظفين حكومة و المقياس الحقيقي هو الاسمرار بمعني استمرار التاثير فى و جدان الجمهور و خلود الادوار الجادة في ذاكرة المشاهد
- الحقيقة تاريخك حافل بادوار خالدة في ذاكرة كل عشاق السينيما و محطات مميزة زى (الى موسكو مع تحياتي 1988)، (حرب الادغال 1998)، (قراصنة عبر البحار 2000) و الملحمة الخالدة (امريكا تحت الهجوم 2001) انا احب ابتدي معاك منذ بدايتك في اوائل الثمنينات حتي فيلم موسكو 1988 . كثير من النقاد و جهو لك النقد في هذه المرحله على ان كل افلامك في العشر سنين الاولى من تاريخك السينيمائي كانت بتهاجم الاتحاد السوفيتي .. ايه رايك في ما يقال؟
**الحقيقه ان المرحله دي من تاريخنا كمجتمع اميريكي كان الخطر الحقيقي اللي قدامنا هو السوفيت و المد الشيوعي و تهديد الشيوعيه للحريات و الراسماليه و الحلم الامريكي و مننساش الخوف من تهديدات السوفيت باستخدام الخيار النووي و الناس كانت كلها حاسه بده و مش افلامي بس هي اللي عبرت عنه في افلام كتير عملها فنانين كتير اهتموا بالقضيه دي زي افلام روكي 4 و رامبو 3 و افلام جيمس بوند و كتير غيرهم .
- يعني دلوقت و احنا في سنة 2011 مش شايف ان الاهتمام الزايد بموضوع السوفيت كان مبالغ فيه و بعدين هو المجتمع الامريكي مكنش عنده قضايا تانية تستحق المناقشه في الثمانينات غير الحرب الباردة ؟
**شوفي طبعا كان في قضايا اخرى لكن انتي بتحكمي دلوقت بعد ما الحرب الباردة خلصت .. انا و الفنانين اللي في سني هما اولاد المرحلة دي اولاد الحرب الباردة و دي ماكانتش بالنسبه لنا مجرد حرب سياسيه بين دولتين دي كان تهديد لاحلامنا و مصالحنا و مستقبل اولادنا و دورنا كفنانين في المرحلة دي كان توعية الجماهير للخطر انا كنت و لازلت من اشد الموئمنين ان دورنا كعاملين بمؤسسه اعلاميه دور وطني زينا زي الجنود
- بس مش شايف ان الافلام اللي انت بتكلم عنها سواء رامبو ولا جيمس بوند ولا افلامك كانت مجرد افلام حركة و عنف و دم كلها مككررة من بعض بتنتهي في الاخر بانتصار الكوماندوز الامريكي علي السوفيتي يعني مكنتش بتناقش اصلا ايه هي مخاطر السوفييت من اساسه يعني كانت افلام تسلية ومكنش فيها اي ارشاد و على فكره ده كان رأي جانب كبير من النقاد برده.
** مخاطر السوفيت معروفة لكل امريكي اما افلامنا فهي اللي كانت بتقوي المشاهد و تخلصة من خوفه و تحسسه بمدى قوة بلادة و بتعملنا سمعة في الخارج برده .. ده بالاضافة علي ان السينيما هي مكان ايضا للامتاع و التسليه .يعني لازم المتفرج يتمتع باخراج الحركه و الحرب و حتي لو عاوزه تقولي العنف و الدم ...... بنخرج طاقته المكبوته احسن ما يخرجها في مجال أخر
- بعد نهاية محطتك الاولي اللي توافقت مع قرب نهاية الحرب الباردة و انتهت بفيلم (الى موسكو مع تحياتي 1988) و هو على فكره اخر فيلم تقوم فيه بدور الطيب و تفرغت بعدها لاداء ادوار الشر حتي اليوم , تحددت ادوارك في دور العربي او الشرقي الارهابي حتى تعرضت لنقد كبير تاني من النقاد على تكرر ادوارك مش شايف ان تكريس عشرين سنة في دور واحد اهدار للطاقه الفنيه و قد يصيب الجمهور ايضا بالملل.
** في التسعينات الدنيا اتغيرت امريكا بقت هي القوه العظمى الوحيدة بعد سقوط السوفيت و الحرب كانت حربنا مش حرب حد تاني وانتصرنا فيها لاننا الاكثر تقدما و الاكثر انسانية و ده خلى اطياف كتير في العالم تحسدنا و تحقد علينا وتتمحك فينا و تساومنا كمان.. علاقه غريبة بين الحب و الكراهية , تتمني تكون جزء من الحلم الامريكي و في نفس الوقت تمني زوال هذا الحلم شيئ من تملك الفكرة بشكل مرضي و محاوله للفت الانتباه ذي الطفل اللي عاوز يثير انتباه امه باي وسيله حتي لو كسر البيت كله و في رائيي الاطياف دي مكنتش علي نفس مستوى العقليه الامريكيه الجبارة اللي احنا فخورين بيها و كان لازم يعرفوا مقامهم من بدري و الدور المطلوب منهم بالتحديد و امريكا مبتدتش بالعنف هما اللي ابتدوا...... فاكرة تفجيرات نيويورك 1993 و علشان كده كان واجب علينا كفنانين امريكين وطنين اننا نوضح المخاطر دي للمواطن الامريكي و نفهمه مين هو عدوه الجديد مين هو اللي مش عايز الحلم الامريكي يغزو العالم اما كلامك عن الملل ففيلم (امريكا تحت الهجوم 2001) حقق اعلى ايرادات في تاريخ السينيما !! يبقى فين الملل؟!
- صحيح كلامك عن فيلم امريكا تحت الهجوم لكن كثير من الجمهور و النقاد شايفيين افلامك كلها بتدور في فلك و احد و هي التهديد الخارجي علي امريكا حتي كتير من افلام اواخر التسعينيات و اوائل القرن الحالي كانت بتتكلم عن غزو فضائي او مجرم مجنون بيموت الناس بدون داعي او علشان يكمل تخطيت جهنمي زي افلام 7 و الصرخة و يوم الاستقلال و حتى صمت الحملان و افلامك بتكلم عن ارهابي مجنون بيقتل الاطفال و يخطف النساء ليه الرعب في الفتره دي كان سائد و اسمحلي اعيد عليك السؤال تاني هو المواطن الامريكي مكنش عنده مشاكل اخري في الفتره دي.
** ....احنا دولة قويه و اي دوله قويه لها اعداء متربصين و النجاح بيجي من الاستمرار و المواطن الامريكي تغلب علي السوفيت بوحدة الصف و ايمان الشعب بالكامل بالقضية و علشان يفضل المواطن الامريكي هو الاكثر انسانية في العالم لازم يحارب الشر في كل مكان في العالم و ميستناش لحد ميجيله لعنده و بعد كده يقعد يعيط و الافلام اللي انتي بتكلمي عنها هي اللي و حدت الرأي للمواطنين الامريكان و رجعتهم امه و احدة و شعب واحد في مواجهه الشر بدل ما كان كل واحد ماشي ورا دماغة و عايم في بحر من العسل و خليتنا كلنا يد واحدة مع ابناء جيشنا الجسور و بالتحديد فيلم (امريكا تحت الهجوم)
- صحيح محدش يقدر ينكر النجاح الجماهيري العظيم لفيلم امريكا تحت الهجوم و لا يقدر ينكر الميزانيه الجباره اللي اتعملت له ولا الايرادات الفلكيه يا ريت تكلمنا عنه و ايه اسباب نجاحه في رأيك؟
**اول سبب حضرتك تكرمتى و قولتيه الميزانيه .. تاني سبب الورق.. السيناريو كان مكتوب بحرفيه عاليه جدا ثالث سبب الاخراج .. الاخراج و شغل الجرافيكس كان على اعلى درجه من الاقناع و اخيرا احب اقول ان الكاست و الاداء كان له دور كبير جدا اكتر مما يتخيل اي شخص و انا بكلمك دلوقتي حضرني موقف احب احكيه للناس ........ اول ما كلمتني الشركه المنتجة قالتلي ان جورج حيلعب ادامك دور البطل الوطني , الصراحة جورج كان لسه طالع ايامها و كان عمره الفني لا يتعدى شهور قليلة و انا كنت في قمة ادائي و بقالي اكثر من عشرين سنه بمثل .... لكني كنت مؤمن بان الفنانين الرواد لازم يقفوا جنب الفنانين الجدد في بدايه حياتهم و زي ما اتعلمنا من اللي قبلنا واجب علينا نعلم الاجيال الجديدة .. بلغت المنتج بعد ما قريت الورق اني موافق على الدور صرحلي المنتج في نفس المكالمة انو قلقان من اختيارالمخرج لجورج عشان يلعب دور البطل و خصوصا انه لسه مبتدئ و قالي انه مش موهوب و دخل السينيما من باب والدة اللي كان احد نجوم التسعينيات و كان ليا الشرف و اشتغلت معاه ............ الصراحه انا كنت شوفت بعض الادوار لجورج و كنت حاسس انه ممكن يجي منه بس لو قرصت عليه................في اول يوم تصوير جورج انبهر بعدد النجوم اللي موجوه بالفيلم و الظاهر ان ده اثر على ثقته بنفسه ... المخرج دور المكن و ابتدي جورج يقول جملته و تلقلق في الكلام و سعات كان يجيله كريزه دحك و يتاسف للمخرج .. المخرج ادايق و خدني على جنب و قالي انه بيفكر يغير جورج ويجيب و احد تاني ... لكن انا اقنعته انه بديني فرصه احاول احرك جورج و اخرج اللي عنده اتفقنا نبتدي التصوير مشهد جملتي بتتقال فيه الاول و ابتديت اقول جملتي و استفز مشاعر جورج ..و الحوار في المشهد ده كان عالي و اتفقت مع المخرج يسيب الكاميرا دايرة و انا حفضل اعيد مع جورج لحد منوصل لمستوى الاداء المطلوب .. اول مرة لما جه يرد عليا جورج اتلخبط لكني فضلت اعيد جملتي بحدة اكبر و اداء متصاعد لدرجة اني خرجت عن النص في كلمه ولا اتنين و فوجئت بجورج بدا ينفعل والكلام بيخرج منه بطلاقه و المخرج بيقول كات و الكاست نازل تسقيف....... و فضلت الفيلم كله كل ما يهبط اداء جورج اعلي عليه و اخرج كل امكانياته و الحمد لله الفيلم خلص و عجب الناس
- اخيرا و احنا دلوقت على مشارف عصر جديد بفكر جديد بيصنعو الشباب في العالم كله و مع الثورات المتفجره في الشرق و البلاد العربيه و الانفتاح و الحوار بين كل شباب العام ... احب اسألك هل التيمه المتكرره السابقه في افلامك و افلام الكثيرين تصلح للعصر الجديد ...يعنى افلام من نوعية رامبو و جيمس بوند ولا حتي امريكا تحت الحصار اللي بيطلع فيها الشر متجسد في شخص محدد ..عالم كوري مجنون او ارهابى دموي يتزعم تنظيم ارهابي دولي هل تصلح مثل هذه الافلام لهذه المرحله .. السؤال بطريقه اخرى هل سيقتنع المراهق الامريكي بنوعيه افلام الحركه الكلاسيكيه السابقه ام كما نشاهد الان ستعود الافلام التي لا تخالوا من قدر من الرومانسيه التي تتحدث عن فتاه او متعلم امريكي يقود الشعوب المتاخرة و يعلمهم كيف يعيشون بحريه و انسانيه مثل الاعاده الاخيره لانتاج افلام مثل ملك سيام او طرزان او انديانا جونز في بعض اجزائه و التي برع فيها النجم الصاعد باراك و النجمه المخضرمه هيلاري .....وهو ما يعديني للسؤال الاول عن سبب اعتزالك و هل هذا بسب انتهاء نوعيه الادوار التي تجيدها مع العلم ان رصيدك الفني في الخمس سنين الاخيره لا يذكر تقريبا.
(هنا يبدو على الفنان التاثر الشديد و يتلعثم بعض الشيئ اثناء الرد علي السؤال)
**كل عصر................. و له فنه و رجاله ......انا اشتغلت 32 سنه مثلت مع نجوم كبار زي رونالد و بيل و غيرهم و لفيت الدنيا .......... القضايا اللي ناقشناها كانت قضايا الساعة و الافلام اللي عملنها عجبت الناس و يارب الناس تفضل فكراني بالخير.................مشوار طويل حقيقى مشيته في فتره اتغير فيها العالم و لسه عمال يتغير و دي سنه الحياه و زي ما كان في انا و رونالد و بيل و جورج و دافيد و كتييير تانين حيبقى فيه بكره باراك و غيره هي دي سنة الحياه ناس تنسحب و تسيب المسرح لغيرها بس المسرح حيفضل شغال و زي ما رجعت للسؤال الاولاني حارجع انا برضه للاجابه الاولى كان ممكن اكمل بس زي ما قلتلك الاول مش بالسنين بالاعمال يقاس الفنان وانا الحمد لله راضي عن اعمالي و ان الاوان لغيري يكمل المشوار
- بكره الصبح حيعلن خبر اعتزالك الفن رسميا و انت بقالك اكتر من خمس سنين ماشتغلتش ... ما براودكش الاحساس ان نهايه حياه فنيه مليئه و طويله تنتهي بتصريح مدته دقيقتين في مؤتمر صحفي من غير عمل كبير تختم بيه مسيرتك الفنيه بعد الغياب السابق ؟؟ معقوله كده بهذه البساطه و السهوله؟؟
(هنا تترقرق عيون الفنان الكبيرو ينحبس صوته بعضا م و يصمت طويلا ثم يجيب)
**.......................................... كان نفسي ............... اكيد كان يهمني اعود لجمهوري مره و لو.... اخيرة قبل الوداع ..............................لكن جمهوري متعود مني اني ارجع كل مره بعمل اقوي من اللي قبله و الصراحة .................الاليات اتغيرت وانا مقدرش اقدملهم حاجه انا مش راضي عنها ............ و على العموم احب اقول لجمهوري انا سعدت بالعمل ليكم......... و لزمايلي انا سعدت بالعمل معاكم و البركه في الجيل الصاعد و يارب اكون اضفت ليكو حاجه و رسمت ولو ابتسامة صغيرة على شفاهكم و يارب تكون ذكراي ذكريى جيدة .......................... بحبكم
- و احنا كمان بنحبك و بنقولك اننا استمتعنا بافلامك و جايين النهارده علشان نكرمك ..نكرم فنانا العالمي الكبير شكرا
الى اين تتجه السنيما الامريكيه و هل صحيح سنقول وداعا لزمن الفن الجميل ؟!!!!! - محمد عبدالهادي
الاشتراك في:
تعليقات الرسالة (Atom)
ليست هناك تعليقات:
إرسال تعليق