الاستديو التحليلي - د. محمد خالد حمزة

ليك في الكورة؟؟ ............حتي لو ماليكش ... اكيد خبطت في يوم من الايام في ما يسمي ب"الاستديو التحليلي" ... و لو ماخبطش فيه قبل كده ... ممكن احكيلك عنه شوية

بص يا سيدي .. الاستديو التحليلي دا عبارة عن شوية ناس قاعدة من قبل الماتش بساعة لحد بعد ماتش بساعة و هاتك يا رغي ... و المصيبة ان الكلام كله مكرر .. قال ايه .. لو المهاجمين تفوقوا علي المدافعين يبقي حنشوف اجوان .. اما لو المدافعين تفوقوا علي المهاجمين يبقي مش حنشوف اجوان !!!! و المصيبة ان الكلام ده بيتقال كل ماتش و المصيبة الاكبر انهم فاكرين انهم كده بيحللوا!!!!

الموناليزا و ام عزيزة - بقلم د. محمد خالد حمزة

طول عمري ضعيف في الرسم و اذكر اني حصلت في الاعدادية علي 8 من 20 في امتحان الرسم ... يعني كان فاضلي نمرة و اسقط و اعيد السنة

و بما اني انسان مش فني ... فلا اري ان الموناليزا صورة عظيمة و لا نيلة بالعكس شايفها صورة زبالة جدا لواحدة وحشة جدا ... و اتبسطت جدا لما عرفت ان في ناس بتقول انها اصلا صورة لراجل !!!!ا

.... المهم تظل الموناليزا عند كثير من الناس هي رمز الجمال !!! جمال علي ايه مش عارف ... و ان ناس كتير سموا بناتهم باسم الموناليزا من حبهم في جمالها !!!ا

التاج - د.محمد خالد حمزة

كان في اميراسمه (اميروف) وواضح من الاسم طبعا انه كان امير روسي ... المهم عم اميروف ده كان  في رحلة صيد ... و بعد ما خلص رحلة الصيد بتاعته و في طريق عودته لبلده قرر خير اللهم اجعله خير انه ينزل ياخد غطس في بحيرة جنب قرية صغيرة

اميروف قلع لامؤاخذه هدومه و علقها علي فرع شجرة بجانب البحيرة و نزل ضرب الغطس و كاتش يمين كاتش شمال فضل يعوم لحد ما زهق

النظريات اللولبية في القهوة بالمرجعية - د. محمد خالد حمزة

لو في يوم من الايام حد عزمني احب اقوللك علي نظامي .. عادة بابتدي بفنجان قهوة تركي  مظبوط و مع اخر شفطة احب يبقي كوب من الشاي جاهز ... بعد كده ممكن نتفاهم حاشرب ايه
اي مكان باتعود اقعد فيه بيبقوا فاهمين النظام ده ... ادخل من هنا الاقي القهوة داخلة ورايا و بعدها الشاي
المهم اتعودت في الفترة الاخيرة اقعد في كافية فاتح جديد جنبنا ... مش وحش... ظريف ... و كنت في يوم هناك و جاني الولد و هو ماسك في ايد المنيو و سالني : تشرب ايه يا فندم؟

دحض الآفة في بيان ان الرئاسة ليست كالخلافة - د. محمد خالد حمزة

لو مش فاهم يعني ايه "دحض" مش مشكلة .... صدقني دي اقل مشاكلك و لو مش فاهم يعني ايه "افة" برضه مش مشكلة لانه لن ياتي ذكرها مرة اخري

اما لو فاكر نفسك فاهم يعني ايه "خلافة" يبقي اصبر لحد ما تخلص المقالة و نشوف

المهم.....سيبنا من النحوي و الكلام الكبير لان الكلام الكبير كله جاي ورا .... اتقل علي الرز

انارة القلوب ... في الرد علي من ادعي ان هناك عيوب ... فيما قلنا انه كلام مطلوب ... و لكنه مثل الطوب - د. محمد خالد حمزة

كنت كتبت منذ يومين مقالا بعنوان : كلام زي الطوب و لكنه مطلوب و لكن يبدو ان المقال لم يعجب البعض ... لا باس فانا اعلم انه سيثير حفيظة الكثيرين ... و لذلك سميته ب:كلام زي الطوب
و فوجئت باحد الزملاء يكتب مقالا للرد عليه و اسمي مقاله :رد مطلوب لايضاح بعض العيوب في الكلام اللي زي الطوب
لا باس في ان يرد احد علي مقال ... فكل الناس يؤخذ منه و يرد الا رسول الله صلي الله عليه و سلم .... و لكن ما ادهشني هو وصف الاخ الكريم للمقال بال"معيوب " فعندما سمعت اللفظ .. استكثرته ... و شعرت اني وقعت في خطأ شرعي ... او استشهدت بحديث ضعيف ... او بحكم اية منسوخ

كلام زي الطوب .... لكنه مطلوب - د.محمد خالد حمزة

لما تتكلم مع حد يبقي تفهم مرجعيتك الاول قبل ما تفتي و تودي الدنيا في داهية !!! قلت هذه الكلمات كثيرا عندما كنت اجادل او اناقش من اختلف معي  

المشكلة في النقاش ان كل منا له مرجعيته و احيانا كل منا لا يفهم مرجعيتة ناهيك عن مرجعية من يناقشه !!!ا

من الاخر قررت اني ادوس علي الجرح و اتكلم عن النقاط التي صارت فزاعة للناس كلها بعد قبول التعديلات الدستورية و التصريحات النارية من كثير من التيارات الدينية .. اصبح لابد من الحديث صراحة في موقف الاسلام من نقاط بعينها

 

القلة - د. محمد خالد حمزة

الفنانة العظيمة نجاة الصغير اتحفتنا منذ زمن باغنية ولا اروع ولا احسن ولا انيل (علي رأي معلقين الكورة) قالتلك ايه بقي؟

قالت: اما براوة براوة اما براوة

دوار حبيبي تراوة اخر تراوة

(بصراحة انا مش عارف تراوة بتتكتب ب التاء ام طراوة ب الطاء؟) 

المهم يعني الست نجاة بتوصل معلومة ان حبيب القلب صاحب املاك و عنده دوار و بحري كمان بدليل انه تراوة .... ماشي يا ستي اللي اداكي يدينا

ما تزوقيني يا ماما ...... قوام يا ماما - د.محمد خالد حمزة

اكيد زمان و انت في عربيتك  في محطة البنزين  حصل معاك الحوار ده :مساء الخير ... مع حضرتك فلان  من الشركة العالمية حضرتك كسبت معانا في السحب اللي اصلا ماتعملش ... تحب تعرف كسبت ايه؟

و اكيد كان ردك : لا يا سيدي متشكرين مش عايز اعرف كسبت ايه

و اكيد مرة وقعت في واحد سئيل و غتيت و رخم قرر ان يقول لك انت كسبت ايه رغم انك مش عايز تسمع!!!!!!! علي فكرة الشخص ده وظيفته انه يعرض بضاعته ... هي دي شغلته.. سواء حضرتك مقتنع به او بالبضاعة او لا وظيفته مازلت هي العرض حتي و ان كانت نيتك الرفض 

الرجل الأخضر - بقلم بلال فضل

«كلما قدم الأخ العقيد معمر القذافى فاصلاً فكاهياً جديداً من فواصله التى يتفوق فيها على كبار كوميديانات العرب والعجم، شعرت بالأسى والشفقة من أجل شيخ المجاهدين عمر المختار، وأخذت أتخيل روح جزار فزّان الكولونيل الإيطالى جراتسيانى وهى تصرخ ضاحكة من قاع الجحيم: (هل هذا هو ما كنت تحارب من أجله يا عمر؟ 

هل تذكر عندما قلت لى نحن معكم إلى نهايتكم أو نهايتنا؟.. ما رأيك فى هذه النهاية التى انتهى إليها شعبك؟.. ألم نكن ألطف بذمتك؟..

على الأقل كنا نقتل واحداً من كل عشرة.. بينما يقتل غيرنا عشرة فى كل واحد). أتخيل عندها عمر المختار وهو يبكى فى أسى، تماماً كما يبكى إلى جواره رفاقه أحمد عرابى ويوسف العظمة وعبدالقادر الجزائرى وعبدالمنعم رياض وعزالدين القسام وعبدالقادر الحسينى وغيرهم من الذين ضحّوا بأرواحهم الغالية من أجل طرد المستعمر الأجنبى واستبداله بمستخرب محلى يعيش ويستمر ويتوغل وينتشر.

الى اين تتجه السنيما الامريكيه و هل صحيح سنقول وداعا لزمن الفن الجميل ؟!!!!! - محمد عبدالهادي

يوم 1 مايو الحالي في حفل ساهر اقامته اكادمية الفنون الامريكية في هوليوود و حضره نخبة من صفوة المشتغلين في الاعلام و  الفن الامريكي دار حوار  طويل مع احد رموز الفن العالمي و هو اللذي يقام الحفل لتكريمه و نقدم لكم نص الحوار مترجم اللى اللغة العربية

لماذا عبد الباسط حمودة رئيسا لمصر؟ - محمد عبدالهادي

لان عبد الباسط حمودة هو الاختيار السهل و السريع و لا يحتاج لكثير من التفكير، و التردد و الدراسة و الامعان و السؤال. فمن المستحيل اتهام عبد الباسط بالعمالة ولا يمكن ان يكون من اصحاب الاجندات الداخلية او الخارجية ؛ فعبد الباسط ليس اشتراكياً او ماركسياً او شيوعياً او لينينياً او ستالينياً او تروتسكياً او بلشفياً او منشفياً او يسارياً او تقدمياً او يمنياً او رأسمالياً او ديمقراطياً او لبرالياً او علمانياً او امبريالياً او ماسونياً او قومياً او اسلامياً او وسطياً او سلفياً او شيعياً او اباضاياً او اسماعيلياً او زيدياً او درزياً او صهيونياً او راديكالياً او فاشياً او نازياً ولا حتى سريالياً او تكعيبياً.

وذلك ببساطة لانة لا يعرف اي من  الايدولوجيات السياسية او الدينية او العرقية او حتى الفنية  السابق ذكرها؛ ولذلك هو افضل رئيس يحكم مصر و يحميها في تلك الاوقات الحرجة  من شر الفتن و الانشقاق ..

و الله الموفق و المستعان